Congreso Internacional 'Galicia: éxodos e retornos'

Historia de España, Gallego

Presentación de comunicacións. As persoas que desexen presentar comunicacións deberán facerlle chegar á secretaría do congreso antes do 31 de marzo de 2006 unha proposta en que figure o nome do autor/a, o título da comunicación e un resumo do contido desta, cunha extensión de entre 20 e 30 liñas. A finais do mes de marzo, os comunicantes recibirán notificación da aceptación da súa proposta. O texto completo das comunicacións aceptadas para o Congreso deberá chegar á organización antes do 15 de xuño de 2006. A extensión máxima da comunicación non deberá exceder de 20 páxinas DIN-A4 (1800 caracteres por páxina); xunto á copia en papel entregarase outra en disquete. Secretaría do congreso: Arquivo da Emigración Galega Consello da Cultura Galega Pazo de Raxoi, 2º Andar E- 15705 Santiago de Compostela (España) Tfno: +34 981 957202 Fax: +34 981 557351 aemigracion@consellodacultura.org

aemigracion@consellodacultura.org

A cidade de Bos Aires acolleu entre o 24 e o 31 de xullo de 1956 o I Congreso da Emigración Galega, no que se conmemoraba o centenario do Banquete de Conxo. A este congreso asistiron representacións de diferentes colectividades emigradas e exiliadas dispersas por América, así como intelectuais galegos, que debateron ao longo deses días os principais aspectos da emigración galega.Cincuenta anos despois, o Arquivo da Emigración Galega considera que cómpre facer unha lembranza deste Congreso e realizar unha homenaxe ás persoas que o organizaron e participaron nel. Pero tamén entende que é necesario abrir de novo o debate sobre os fenómenos emigratorios, nun momento en que Galicia deixou de ser un país emigratorio -aínda que con importantes colectividades asentadas fóra das nosas fronteiras- a ser un lugar de recepción de correntes inmigratorias.Por este motivo invitamos a estudosos e especialistas nos movementos migratorios a reunirnos en Santiago de Compostela do 11 ao 14 de xullo para analizar historicamente a emigración e reflexionar sobre os novos retos que supoñen tanto a inmigración como a preservación da nosa identidade nas colectividades emigrantes.Estructura do congreso:O Congreso constará de conferencias, relatorios, intervencións en mesas redondas e comunicacións, que se organizarán nas seguintes seccións.- A partida e as causas da emigración.- Os procesos de inserción e o asociacionismo.- Os retornos e a inmigración.- A memoria da emigración e o exilio.

España