I Encuentro Histórico-Cultural Hispano-Turco-Sefardí
Materias de especialidad:
Descripción:
Sefaradi
Proyekto de la Asociasión Kultural i de Amistad Ibero-Amerikana apoyado por la Universidad de Ankara, la Embasada de Espanya en esta misma sivdad i el Instituto Cervantes de Estambol.
Tendrá lugar los días 28-29-30 de noviembre en la Fakultad de Letras, Jeografía i Istoria de la dicha Universidad, partisipando más de sesenta akadémikos, investigadores i artistas de diversos paises komo Turkía, Espanya, Israel, Fransia, Alemania, Portugal, Argentina, Brazil.
El programa del Simpozyum konsisterá de Istoria, Lingua, Lingüístika, Literatura, Filosofía, Kultura, Folklore i Artes. Las ponensias sovre Istoria alkansaran un ancho eskopo ke se ekstenderá asta la leshana Argentina, reprezentada por José Menascé, fundador del Sentro de Investigasión i Difuzión de la Kultura Sefaradí.
El akto será inaugurado por el Rektor de la Universidad de Ankara i el Embasador de Espanya en esta sivdad.
El primer día avlarán: Halil Inalcýk, Ýlber Ortaylý, Vidal Sephiha, Muzaffer Arýkan, Pablo Martín Asuero i Naim Güleryüz, ansí ke los investigadores espanyoles komo Miguel Ángel Motis i Silvia Planas i se eskapará kon la projeksión del dokumental ''El último Sefardí'' ke kontará kon la prezensia de su autor, Miguel Ángel Nieto.
Paralelo a este enkontro, se inaugurará la ekspozisión retrospektiva de Esti Saul.
El último día se realizará una meza redonda en la ke se debatirá sovre proyektos de investigasion en el kampo istóriko-kultural i artistiko entre los tres mundos; el Ispano, el Turko i el Sefaradi, ansi ke la nesesidad del estudio de este ultimo i la lingua judeoespanyola a nivel akadémiko.
El Simpozyum se repetirá kada dos anyos. Kon esto se propoza akseder al mundo sefaradí, de grande interes i importansia tanto del punto de vista istóriko ke kultural i artístiko.
País:
Turquía
Correo electrónico: